Խաչիկը կճանաչվի՞ «դժբախտ ու դժգույն» համայնք

05/07/2022 23:08
Խաչիկը կճանաչվի՞ «դժբախտ ու դժգույն» համայնք

ՊՆ-ն վերջապես արձագանքեց եւ հաղորդագրություն տարածեց, որ երեկ՝ հուլիսի 4-ին, ժամը 21։15-ի սահմաններում, Ադրբեջանի ԶՈՒ ստորաբաժանումները, տարբեր, այդ թվում նաև խոշոր տրամաչափի հրաձգային զինատեսակներից կրակ են բացել հայ-ադրբեջանական սահմանի արևմտյան, մասնավորապես՝ Վայոց Ձորի մարզի Խաչիկ գյուղի հատվածում տեղակայված հայկական մարտական դիրքերի, ինչպես նաև դեպի գյուղ տանող ճանապարհի ուղղությամբ, ինչի հետևանքով վնասվել է համայնքի ղեկավարի ավտոմեքենան։

Նշենք, որ վերջին ժամանակներս, ՊՆ-ն ադրբեջանական կողմից հրադադարի խախտման դեպքերին չի արձագանքում, անգամ վերջերս, թշնամու կողմից սպանված Հրաչ Փիլիպոսյանի մահն այդպես էլ անարձագանք մնաց պատկան կառույցի կողմից։