Կազմակերպել են րագրողներ՝ Դմիտրի Կիսելյովի, Մարգարիտա Սիմոնյանի, Օլգա Սկաբեևայի, Եվգենի Պոպովի սպանությունները

Ռուսաստանի անվտանգության դաշնային ծառայությունը տեսանյութ է տարածել լրագրող Վլադիմիր Սոլովյովի դեմ մահափորձ նախապատրաստելու կասկածանքով ձերբակալվածների հարցազրույցից: Նրանցից մեկը հայտարարել է, որ կասկածյալները քննարկել են ռուսաստանցի այլ լրագրողների սպանության ծրագրերը ևս:«2022 թվականի հունվարից մարտ ընկած ժամանակահատվածում ես եկել եմ բնակարան, որտեղ իմ ներկայությամբ քննարկվել է հատուկ գործողության աջակցության խորհրդանիշներով մեքենաների, զինկոմիսարիատների հրկիզումը, նաև՝ սպանություններ»,- «Ինտերֆաքս»-ի հաղորդմամբ՝ այս մասին ասել է ձերբակալվածներից մեկը։

Նա ասել է, որ խմբի անդամները քննարկել են լրագրողներ Դմիտրի Կիսելյովի, Մարգարիտա Սիմոնյանի, Օլգա Սկաբեևայի, Եվգենի Պոպովի սպանությունները։

Մեկ այլ կալանավոր ասել է, որ իրենք պետք է «հնարավորինս շուտ» մահափորձ նախապատրաստեին Սոլովյովի դեմ, իսկ հանցագործությունը կատարելուց հետո ծրագրել էին մեկնել Ուկրաինա։