Վանաձորի ԲԿ-ն՝ խոշոր հարկատու

10/02/2022 22:45
Վանաձորի ԲԿ-ն՝ խոշոր հարկատու

Լոռվա մարզի Վանաձորի ԲԿ-ի 2019թ-ին ազատված բուժաշխատակիցները դիմել են մեր կայքին՝ դժգոհելով, որ հունվարի 19-ին տնօրեն է նշանակվել ԲԿ-ի մանկաբույժ-ախտաբան՝ Վահագն Մկրտչյանը, ով կադրային ջարդ է իրականացրել, ինչի արդյունքում իրենք մինչ օրս մնացել են անգործ։

Վահագն Մկրտչյանը հաստատեց, որ իր նշանակման օրվանից ԲԿ-ում իրականացվել է անողոք ու արդյունավետ պայքար, իր ներկայացմամբ՝ ստվերային, ապօրինի դրամաշրջանառության, դրամաշորթության, խարդախության ու կաշառակերության դեմ, որի արդյունքում մի քանի աշխատակիցներ ազատվել են աշխատանքից։

-Ֆինանսական գործողությունները մեզ մոտ իրականացվում են, բացարձակապես, դրամարկղներում՝ «Սպիտակ դրամարկղ» սկզբունքով,-ասաց տնօրենը,-ԲԿ-ին է միացվել կանանց կոնսուլտացիան և Վանաձորի ինֆեկցիոն հիվանդանոցը։ Նոր բացված բաժանմունքներ ունենք՝ միջամտային սրտաբանության և սիրտ անոթային պաթոլոգիայի, ֆիզիոթերապիայի և վերականգնողական բժշկության։ Ընդլայնվել են նաև անոթային վիրաբուժության և ուռուցքաբանական վիրահատությունների ծառայությունները։ Վանաձորի ԲԿ-ն ՀՀ-ում, թվով 393 խոշոր հարկատուն է։

Տեղեկացանք, որ Վանաձոր ԲԿ-ն 147մլն դրամ պարտքով է հանձնվել նոր տնօրենին, վերջինս էլ այն մարել է։ Վճարովի ծառայությունները, որոնք միայն դրամարկղով են մուտքագրվել, ըստ հաշվետվության, հետյևալ պատկերը ուներ, ըստ տարեթվերի։

Վանաձոր ԲԿ-ին աջակցել է «Ազնավուր հիմնադրամը» և Ժան Միշելը։ Բժշկական գիտելքների, փորձի փոխանակման շրջանակներում, ԲԿ են այցելել ավստրիական հմուտ բժիշկներ՝ Ժան Միշել Էքյուն, Կարինե Սարգսյանը, Վարդան Քյուրումյանը և այլոք։ Արդիական բուժ սարքավորումներով հագեցած ԲԿ-ում, ցավոք բացակայում էր «MRT» ախտորոշիչ սարքը, որի գումարային արժեքը կազմում է մոտ 500մլն դրամ։

Հ․Գ․ Ի դեպ, Վանաձոր ԲԿ-ում աշխատում են 577 բուժ աշխատակիցներ, որոնց շարքերում են արտերկրներից՝ Մոսկվայից, Լենինգրադից, եւ այլն, եւ մայրաքաղաք Երևանից ժամանած մասնագետներ։

Գ․Մացակյան