Ես մամուլից վախենում եմ. Մասիս ԲԿ-ի տնօրեն

02/02/2021 11:54
Ես մամուլից վախենում եմ. Մասիս ԲԿ-ի տնօրեն

Ոչ վաղ անցյալում, Արարատի մարզի Մասիս ԲԿ-ի տնօրենի հետ առնչվող աղմկահարույց դեպքերը մեդիա դաշտի էջերում էին: Պակաս հետևողական չէր նաև մեր կայքը:
Ինչպիսի՞ն է այսօր ներհիվանդանոցային կյանքը Մասիս ԲԿ-ում, արդյո՞ք մուծվեցին անցյալի պետական  պարտքերը, վճարվեցի՞ն բժիշկների աշխատավարձերը, ինչի համար ԲԿ-ում գլադիատորական մարտեր էին ընթանում: Եվ, ի՞նչ փուլում է պետական ծրագրում ներառված՝  ՀԲ-ի միջոցներով կառուցվելիք Մասիս ԲԿ-ի նոր շենքի նախագիծը:
Ահա, այս  մտահոգությամբ , ՀԺԱՄ-ն առանց  պայմանավորվածությամբ Մասիս ԲԿ-ում է:
Առաջին հարկում  ակտիվ շինաշխատանքներ էին ընթանում, շինարարների վսահեցմամբ՝ նոր  սանհանգույցներ են կառուցում:
ԲԿ-ի միջանցքներում, նոր բժիշկներ էին ել ու մուտ անում, հիվանդների հետ զրուցում:
Միջանցքում, հաշվապահը տեսնելով ու ճանաչելով տողերիս հեղինակին մոտեցավ և ասաց.
-Մեզ մոտ այլևս կադրային քաղց չկա, նոր բժշկական  կադրեր են անձնակազմին համալրել: Այցելուների թվի աճմամբ պայմանավորված՝ ավելացել են վճարումների քանակն ու բացվել նոր բաժանմունքներ,-ասաց զրուցակիցս ու ավելացրեց,- Տարածաշրջանի համար խիստ կարևոր նոր լաբորատորիա՝ արյան բիոքիմիական, ընդանուր հետազոտության, բակտերիական ախտորոշման համար, գաստրոսկոպիա: Տնօրինությունը ձեռք է  բերել բժշկական նորագույն սարքավորումներ:
Բացվել են լիզենզավորված 
նոր բաժանմունքներ՝ մանկական ինֆեկցիոն, դիմածնոտային, քիթ կոկորդի և վահանագեղձի: Հիվանդներն այլևս չեն գնա Երևանի ԲԿ-ների դուռը թակելու, սրանով է պայմանավորված մեր հիվանդների թվի աննախադեպ աճը,-ավարտեց խոսքը զրուցակիցս:

 На изображении может находиться: один или несколько человек и люди сидятНет описания фото.
Տնօրեն՝ Հայկ Հովհաննիսյանը լրագրողիս տեսնելով, կես լուրջ կես կատակ ասաց.
-Ես վախենում եմ մամուլից:
 Մի փոքր ընդհատումից հետո  զրույցը շարունակեց՝ տեղեկացնելով, որ սեպտեմբերի 27-ի հայրենական պատերազմի օրերին Մասիս ԲԿ-ն կատարեց զինվորական հոսպիտալի գործառույթ՝ ընդունելով ռազմի դաշտից վիրավոր հայ զինվորներին:
-Այսօր, նրանք բուժվելուց հետո,  ՊՆ-ի կողմից  հավաքագրված ռազմական բժիշկների  որոշումից հետո, դուրս են գրվել ԲԿ-ից և մենք վերադարձել ենք մեր նախկին բուժ  աշխատանքներին:
-Ճի՞շտ է, որ ԲԿ-ում նոր բաժանմունքներ և նոր լաբորատորիաներ եք բացել:
-Այո, փնտրել, գտել եմ միջոցներ ու բացել: Փակված են նաև  պետական պարտքերն ու մուծված բժիշկների աշխատավարձերը:
-Անցյալ տարի ՀԲ-ը նախահաշվարկ կատարեց, նոր շենք կառուցելու նպատակով, ո՞ր փուլում են աշխատանքները:
-Այո, մրցույթի է դրված: Սպասում ենք նոր կապալառուին: Տարածքի խնդիր էլ ունենք, թե որտեղ ենք  տեղակայելու մեր բաժիները՝ մինչ  նոր շենքի  կառուցումը, դեռևս անհայտ է:
- Նոր մակետը գոհացնու՞մ է ձեզ, ունի՞ բակային մաս:
-Ունի  շուրջ 200 լաբորատորիաներ  և մեծ բակային մաս՝  ոռոգման կաթիլային ջրի համակարգով:
Անի Մադոյան