Որսորդ Սոնիկն ու անգլուխ մարզպետը. Որտե՞ղ են զինվորների հասանելիք օգնությունները

07/12/2020 10:34
Որսորդ Սոնիկն  ու անգլուխ մարզպետը. Որտե՞ղ են զինվորների հասանելիք օգնությունները

Լուսանկարի կինը, Արմավիրի մարզպետարանի կրթության վարչության պետ՝ Սոնյա Բուդաղյանն է: Էջմիածնի թիվ 5 դպրոցի նախկին ռուսերեն լեզվի ուսուցչուհին: Սուրբ քաղաքում այս կինը հանրաճանաչ է  ո՛չ որպես ուսուցչուհի, այլ որպես իր բիզնեսմեն եղբայրներին կառավարող քրոջ, ով ամուսնալուծված է և թույլ չի տալիս եղբայրներին կին  ընտրել՝ պատճառաբանելով, որ կգան օտար կանայք և իրենց հարստությունը կուտեն:

Ծիծաղում ե՞ք,  լրջացեք, սա իրականություն է:
Հարուստ եղբայրների գումարների շնորհիվ, Սոնյա Բուդաղյանը 2018թ-ին, պաշտոնում փոխարինեց Գայանե Սայադյանին՝ բառացիորեն քանդելով մարզի դպրոցներն ու տեղահան անելով տնօրեններին՝ պատճառաբանելով, որ նրանք ՀՀԿ անդամ են: Սոնյա Բուդաղյանի անմիջական զոհերը դարձան Բաղրամյանի, Զվարթնոցի, Էջմիածնի թիվ 2, Արմավիր քաղաքի թիվ 5 դպրոցի և ուրիշ դպրոցների տնօրեններ:

Խիստ տուժեց Բաղրամյանի դպրոցի նախկին տնօրեն՝ Շուշանիկ Ոսկանյանը, ով, ըստ հավաստի լուրերի, վաճառել էր Էջմիածնի իր առանձնատունը և գումարը տվել Սոնյային՝  Զվարթնոցի դպրոցում տնօրենի մրցույթում հաղթելու համար:

Եվ հաղթեց: Սակայն, հանրային մեծ ընդվզումների արդյունքում, ազատման դիմում գրեց  և հեռացավ:
Այնուամենայնիվ, Ս. Բուդաղյանը նժույգի վրա էր, որսորդի դերում, դպրոցների ղեկավարներն էլ՝ խրտնած ու քրտնած: Մարզի որոշ կրթօջախների ղեկավարների որսը չհաջողեց,  ովքեր, այսօր, ծիծաղում են անգետ, սորոսական Սոնյայի վրա, ով նստած հաշվում է իր ծննդյան օրվա նվերներն ու գումարներով լի  ծրարները, որոնք օրերս է ստացել է իր ենթականներից՝ հլու հնազանդ տնօրեններից: Օրինակ՝ Ոսկեհատի դպրոցի տնօրենը թանկարժեք նվերին զուգահեռ, քոմենթ էր ձոնել՝ առ Սոնիկ-վերադաս:
Ի դեպ, Արմավիրի մարզպետն իր փայ հասցնող Սոնյայի պաշտոնավարման հերթական մրցույթն անցկացրեց  պատերազմի թեժ օրերին՝ առանց մրցույթ ու աննկատ:                                                            
Ըստ մարզի մեր հավաստի լրատուների, Սոնյա Բուդաղյանն ու մարզպետ՝ Համբարձում Մաթևոսյանը թաքցրել են զինվորների հասանելիք օգնությունները: Ասել է թե, թավշե իշխանավորները Մանվել Գրիգորյանի ձեռագրին են նմանակել՝ գողանալով զինվորի հասանելիքը:

Մի քանի դպրոցների տնօրեններ այս մասին  են վկայում:
-Անհայտ կորել են դպրոցներում կարված այն բոլոր պարագաները, որոնք պիտի սահման, զինվորին հասնեին: Մարզում շշուկներ կան, որ չի կարելի «չերեզ» մարզպետարան ուղարկել ռազմի դաշտի օգնությունները: Փաստ է, որ այլ հասցեներով ուղարկված օգնությունները  հասել են մեր զինվորներին, իսկ մարզպետարանում կուտակածը՝ ոչ,-վրդովված ասում են տնօրենները:
Ներկա պահին, անծրագիր ու անուղեցույց, կտրված իրենց վերադասից, դպրոցների տնօրենները  շվարած հարցնում են.
- Լավ, ո՞վ է այս հանցավոր գործունեության պատասխանատուն: Այս որտե՞ղ հասցրին երկիրը այս չտեսների ու սովածների իշխանությունը, մի՞թե սա էր հեղափոխության մեր  ակնկալիքը: Կոչ ենք անում բոլորին դուրս գալ  փողոց ու վռնդել այս թալանչիներին: Մենք խաբված ու թալանված ենք: Ավելին՝ ծախված ենք մեր ոսոխին՝ հայրենիքի տարածքներով ու մեր օթևաններով: Սա պետական դավաճանություն է, վռնդեք  ու պատժեք այս ստոր իշխանավորներին, սորոսականների ցանցը Հայաստանում այսուհետ բացահայտված է,- զայրացած ասում են Արմավիրի մարզի դպրոցի ղեկավարները:

Նարինե Հասրաթյան