Նիսում հարձակման հետեւանքով կին է գլխատվել

Նիսում դանակով զինված տղամարդու կողմից հարձակման արդյունքում կին է գլխատվել: Հայտնում է Reuters-ը` վկայակոչելով աղբյուրը տեղի ոստիկանությունում:
«Հարձակվողն օգտագործել է այն նույն մեթոդը, ինչ եւ ահաբեկիչը Կոնֆլան-Սենտ-Օնորին քաղաքում»,- BFMTV հեռուստաալիքի եթերում լրագրողներին ասել է քաղաքապետ Քրիստիան Էստրոզին,-«Հարձակման ընթացքում տղամարդը բղավել է «Ալլահ աքբար»:
Քրիստիան Էստրոզին հայտնել է, որ Ֆրանսիայի նախագահ Էմանուել Մակրոնն առաջիկա մի քանի ժամվա ընթացքում կժամանի Նիս: Ավելի վաղ BFMTV-ն հայտնել էր հարձակման երեք զոհի մասին, նրանցից մեկը քահանա է եղել: