Խորհուրդ է տվել ինքնահրկիզման փորձ կատարել. Ոչ տունն է վեադարձնում, ոչ էլ՝ 25 հազար ԱՄՆ դոլարը(Տեսանյութ)

HZHAM.AM-ին, գեղանիստցիները դիտարկում են փրկության օղակ և  խնդրում  իրենց հերթական բողոքը լսել՝ առ խարդախ իրավապաշտպան Սամվել Գաբրիելյանի: Արարատի մարզի Գեղանիստի 10փ. 35 տան բնակչուհի՝ Աիդա Ադիլխանյանն ու Երևանի բնակիչ՝ Սասուն Վարդազարյանը անշարժ գույքի առքուվաճառքի պայմանագիր են կապում  ու ժամանակ անց  ընկնում  իրավապաշտպան՝ Ս. Գաբրիելյանի «սարդոստայնը»:
Ըստ մեզ դիմած գեղանիստցիների, իրավապաշտպանը, 25  հազար ԱՄՆ դոլար է վերցնում գործը գլուխ բերելու համար ու Աիդա Ադիլխանյանին խորհուրդ տալիս ինքնահրկիզվել ՀՀ կառավարության բակում՝ հարցին լուծում տալու համար:
Տեսանյութում Սամվել Գաբրիելյանը կողքի կանգնած հետևում է իր «զոհի» ինքնահրկիզման գործողությանը: Տես՝ տեսանյութը և լուսանկարը: Ըստ մեր զրուցակցի, այս  մարդկային ողբերգության սցենարիստ՝ խարդախ իրավապաշտպանի նպատակը ժամանակ շահելն էր ու 25 հազար դոլարը չվերադարձնելը:
-Ո՞վ է բռնելու այս խարդախի ձեռքը,ազատեք Գեղանիստն այս գռփողից,-խնդրում էին մեզ դիմած մարդիկ:
Հեռախոսով կապնվեցինք Գեղանիստի համայնքապետի հետ մեկնաբանության առնչությամբ, սակայն հեռախոսը վերցրեց մեկը  ուրիշը և ասաց, որ համայնքապետը վատառողջ է ու քնած:
Հուսանք, պատկան մարմիները կարձագանքեն մեր հրապարակմանը:
Անի Մադոյան